Испанияның Сан-Хосе-дель-Валле муниципалитетіндешағын ұшақ электр желісімен соқтығысып, екі адам қаза тапты.

El Caso басылымының хабарлауынша, шағын әуе кемесі жоғары кернеулі электр сымымен соқтығысып, қол жетуі қиын аймаққа құлап түскен.

Оқиға орнына бірден жедел жәрдем көліктері, төтенше жағдайлар қызметі және құқық қорғау органдарының өкілдері жеткен. Ұшаққа алғашқы болып Испания азаматтық гвардиясының кезекші қызметкері келіп, апат орнында 70 және 73 жастағы екі адамның мәйітін тапқан.

Алдын ала мәліметтер бойынша, апатқа ұшыраған ұшақ La Ina аэродромынан таңертеңгі әдеттегі рейсін орындап ұшып шыққан. Қазіргі таңда тергеушілер апаттың нақты себептері мен электр желісімен соқтығысу жағдайын анықтау үшін тексеру жұмыстарын жүргізуде.

Апат салдарынан Сан-Хосе-дель-Валле муниципалитетінде электр қуаты өшіп, бірнеше сағат бойы бірқатар тұрғындар жарықсыз қалған.