Испанияның Каталония автономиялық қоғамдастығында жолаушылар пойызы мен жүк пойызы локомотивінің соқтығысуы салдарынан 30 адам зардап шекті.

ElMundo басылымының хабарлауынша, оқиға жексенбі күні жергілікті уақыт бойынша сағат 22:00 шамасында Таррагона провинциясындағы Вила-сека ауыл маңында болған. Онда Барселона-Тортоса бағытында 75 жолаушы мінген пойыздың локомотивпен соқтығысқаны айтылады.

Алдын ала болжам бойынша, апат локомотив тежегішінің дұрыс жұмыс істемеуінен болуы мүмкін. Қазіргі уақытта оқиғаға қатысты тергеу басталған.