Ispaniyada jazirama issiq chekinmayapti
Ispaniya davlat meteorologiya agentligi (Aemet) ma’lum qilishicha, kelasi haftada Pireney yarim oroliga navbatdagi jazirama to‘lqini bostirib kiradi.
Ispaniyaning to‘rtta muxtor hamjamiyati – Kastiliya- Leon, Kastiliya-La-Mancha, Andalusiya va Estremadurada havo harorati 40 darajadan ham yuqori bo‘ladi. Afrika qit’asidan kelayotgan havo oqimi yarim orolning janubiy qismidan kirib g‘arbiy qismini ham qamrab oladi.
Ispaniyada issiq harorat qaytayotgan edi, biroq so‘nggi kunlarda termometr tayoqchalari yana ko‘tarila boshladi. Bundan tashqari, meteorologlarning ta’kidlashicha, Galitsiya sohillarida hamda Ampudanda kuchli shamol bo‘ladi.
Ispaniya va Portugaliyada birinchi issiq to‘lqin iyun oyida boshlangan edi.
O‘zA