Ispaniya kubogi finalini oʻtkazishga “Benito Vilyamarin” stadioni asosiy daʼvogar
Xabaringiz bor, Ispaniya kubogining 2018/2019 yilgi mavsumi finalida “Barselona” va “Valensiya” klublari oʻzaro bahslashadi.
Xabaringiz bor, Ispaniya kubogining 2018/2019 yilgi mavsumi finalida “Barselona” va “Valensiya” klublari oʻzaro bahslashadi. Biroq, 25 may kuni boʻlib oʻtadigan final uchrashuvi qayerda oʻtkazilishi hamon aniq emas.
Ayni vaqtda final oʻyinini oʻtkazishga “Betis” klubining uy stadioni hisoblangan “Benito Vilyamarin” hamda “Valensiya”ning uy oʻyingohi – “Mestalya” daʼvogarlik qilmoqda. Biroq, “koʻrshapalaklar” finalda oʻynashini hisobga olsak, bu borada “Benito Vilyamarin” stadionining imkoniyatlari yuqori baholanyapti.
“Betis”ning uy stadioni oʻz bagʻriga 52 700 nafar tomoshabinni sigʻdirsa, “Mestalya”da 55 000 nafar muxlis oʻyinni bevosita stadionda kuzatish imkoniga ega.
Taʼkidlash joiz, “Betis” musobaqa yarim finalida aynan “Valensiya”ga imkoniyatni boy berdi.