Мадрид қаласында Испаниядан Өзбекстанға чартерлік рейстерді ашуға арналған вебинар өтті.

Dunyo хабарлауынша, 650-ден астам адам қатысқан шараны Испанияның жетекші туроператоры «World2Meet» тарапынан «NewBlue» және «Kannak» туристік компанияларымен бірлесіп ұйымдастырған.

Чартерлік рейстер Мадридті Үргеніш және Ташкент әуежайларымен байланыстырады және «World2Meet» туроператорына тиесілі «World2Fly» әуе компаниясының Airbus 330-300 ұшағымен жүзеге асырылады.

Ұшулар екі кезеңде – 8 мамырдан 12 маусымға дейін және 4 қыркүйектен 30 қазанға дейін ұйымдастырылады.

«Kannak» туристік компаниясының директоры Карлос Флоридо осы чартерлік рейстер аясында Өзбекстанға туристік маршрут әзірлегенін айтты. Ол бұл бағыттың ерекшелігі турдың Үргеніштен басталып, Ташкентте немесе керісінше аяқталуында екенін мәлімдеген.

Бұл бағыт бір аптаның ішінде Хиуа, Бұхара, Самарқанд, Ташкент қалалары арқылы мың шақырымдай қашықтықты басып өтеді. Республика бойынша саяхат автобустармен жүзеге асырылады.