Islombek Ismoilov “Neftchi” jamoasiga bosh murabbiy etib tayinlandi
Futbol bo‘yicha O‘zbekiston U17 terma jamoasining sobiq ustozi Islombek Ismoilov “Neftchi” jamoasining yangi bosh murabbiyi etib tayinlandi.
Bu haqda O‘zbekiston futbol assotsiatsiyasi xabar berdi.
O‘zbekiston U17 terma jamoasi Osiyo chempioni bo‘lishida bosh murabbiylik qilgan, Jahon chempionati nimchorak finaliga olib chiqqan murabbiy Islombek Ismoilov Marg‘ilon shahrida tug‘ilgan.
Yosh bo‘lishiga qaramay, milliy futbolimizda sezilarli natijalarga erishib, murabbiylik sohasida eng istiqbolli kadrlardan biri sifatida tanildi.
T.Ro‘ziyev,
O‘zA