Исландияның оңтүстік-батысындағы Рейкьянес түбегінде орналасқан Сундхнукюр жанартауы қайта оянып, кратерден лава мен түтін атқылай бастады.

The Guardian басылымының хабарлауынша, жарылыс салдарынан жарықтар қаланың солтүстік аймағына дейін жетіп, дабыл сиреналары іске қосылған. 

Белгілі Blue Lagoon курорты барлық туристерді эвакуациялағанын мәлімдеді. Қазіргі уақытта курорт жабық.

2023 жылғы деректерге сәйкес, Гриндавик қаласында 3,8 мыңға жуық адам тұрған. Жанартау белсенділігінен кейін тұрғындардың көпшілігі көшіп кеткен, ал қалғандарына полиция эвакуациялануға кеңес берді. Себебі бұл жолғы атқылау алдыңғысына қарағанда әлдеқайда күшті болуы мүмкін.