Президент Шавкат Мирзияев пен Премьер-министр Имран Хан Өзбекстан Республикасы мен Пәкістан Ислам Республикасы арасындағы стратегиялық серіктестіктің келесі қадамдары туралы бірлескен декларацияға қол қойды.

Сонымен қатар, үкімет пен ведомстволар арасында жеңілдікті сауда туралы, қоршаған ортаны қорғау, қажылық туризм, темір жол саласындағы ынтымақтастық туралы келісімдер, Сұрхандария облысы мен Хайбер-Пахтунхва провинциясы, Ташкент және Исламабад қалалары арасындағы келісімдерге қол қойылды.

Бұдан бөлек, сапар қарсаңында өткен бизнес-форумда жалпы құны 800 миллион доллар болатын бірлескен сауда-инвестициялық жобаларды жүзеге асыру туралы келісімдерге қол жеткізілді.