Өзбекстандағы Ислам өркениеті орталығында «Ұлы ғұламалардың бейнесін жасау жобалары және оларды халықаралық деңгейде насихаттаудың өзекті мәселелері» тақырыбында жоба тұсаукесері мен шығармашылық жұмыстар көрмесі өтті.

Көрмеде Өзбекстан Суретшілер одағы мүшелері жасаған 30 шығармашылық жұмыс шетелдік және өзбекстандық ғалымдар, өнертанушылар, Кеңейтілген ғылыми кеңес мүшелері мен халықаралық сарапшылардың назарына ұсынылды.

Таныстырылым аясында Өзбекстандағы Ислам өркениеті орталығы мен Өзбекстан Көркемсурет академиясы арасында ынтымақтастық туралы меморандумға қол қойылды.