Иштихонда ноқонуний ер сотиш ҳолати олди олинди
Давлат хавфсизлик хизмати Самарқанд вилояти бошқармаси ҳамда иқтисодий жиноятларга қарши курашиш департаменти ходимлари ҳамкорлигида ўтказилган тадбирда Иштихон туманида ноқонуний ер сотиш ҳолатига чек қўйилди.
Тумандаги фермер хўжаликларидан бирининг раиси Ш.Т. маҳаллий фуқарога ўзига қарашли хўжалик ҳисобидаги 1 гектар сувли ер майдонини 27,5 миллион сўмга сотишга келишиб, сўралган пул маблағларини олган вақтида ашёвий далиллар билан қўлга олинди.
Ҳозирда фермер хўжалиги раҳбарига нисбатан Ўзбекистон Республикаси жиноят кодексининг тегишли моддаси билан жиноят иши қўзғатилиб, тергов ҳаракатлари олиб борилмоқда.
ЎзА