Ишончли вакил оммавий ахборот воситалари учун ахборот берди
“Миллий тикланиш” Демократик партиясидан Президентликка кўрсатилган номзод Aлишер Қодировнинг Бухоро вилояти бўйича ишончли вакили, Олий Мажлис Сенати аъзоси Абира Ҳусейнова иштирокида оммавий ахборот воситалари учун брифинг ташкил этилди.
Унда партия вилоят Кенгаши ходимлари, республика ва маҳаллий оммавий ахборот воситалари вакиллари қатнашди.
Брифингда сайлов жараёнига тайёргарлик, сайловолди тарғибот тадбирлари ва партия томонидан олиб борилаётган ишлар хусусида маълумот берилди.
Ишончли вакил сайлов қонунчилиги доирасида олиб борилаётган тарғибот ишлари хусусида тўхталиб, тадбир иштирокчиларини номзоднинг таржимаи ҳоли ва сайловолди Дастуридаги муҳим вазифалар, эътибор қаратилиши лозим бўлган алоҳида жиҳатлар билан таништирди.
Зариф Комилов, Тоҳир Истатов (сурат), ЎзА