Қорақалпоғистон Республикаси Шуманай тумани Оила ва хотин-қизлар бўлими томонидан ҳудудда яшовчи ишсиз аёлларни касб-ҳунарга ўқитиш ҳамда уларнинг бандлигини таъминлаш, шунингдек кичик бизнес ва хусусий тадбиркорлик соҳаси билан шуғулланишга қизиқувчи фуқароларга амалий ёрдам кўрсатиш борасида кенг қамровли ишлар бажарилмоқда.

Якка тартибдаги тадбиркор Малика Режепова ҳам 2024 йил “Халқ банки”дан берилган 100 миллион сўм миқдоридаги имтиёзли кредит эвазига тумандаги “Маданият” маҳалла фуқаролар йиғини ҳудудида “Малика” гўзаллик салонини ташкил қилган. Бу ерда жами 8 нафар ишсиз хотин-қизнинг бандлиги таъминланган.

Бундан ташқари тадбиркор саъй-ҳаракати билан салон ёнида тўй ва маросимлар учун миллий либослар дўкони ташкил этилган. Бу ерда кўрсатилаётган хизматдан аҳоли мамнун.

Ёш тадбиркор келгусида шунингдек, миллий ва замонавий русумдаги либослар ишлаб чиқариладиган тикувчилик цехини ташкил қилишни ният қилган. 

<iframe width="640" height="420" src="https://www.youtube.com/embed/XCJNrZRMMFY" title="Ish o‘rinlari yaratayotgan yosh tadbirkor ayol" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мақсад ҲАБИБУЛЛАЕВ (сурат, видео), ЎзА