Ироқ 2027 йилда нефть қазиб олиш ҳажмини кунига саккиз миллион баррелга етказмоқчи
Ироқ нефть вазири Ихсан Абд ал-Жаббар шу ҳақда баёнот берди.
"Ироқ нефть миқдорини ошириш имкониятларини кенгайтириш устида ишламоқда, бизда нефть қазиб олиш бўйича йирик лойиҳалар бор. 2027 йилнинг охирига келиб кунига 8 миллион баррел нефть қазиб олишга эришамиз", - деди вазир INA агентлигига интервью берганда.
Ироқ шу йилнинг июль ойида кунлик нефть қазиб олиш ҳажмини 4,58 миллион баррелга етказади. Май ойида мамлакат қора олтин савдосидан рекорд даражада даромад олган, яъни халқаро бозорга 11,4 миллиард долларлик нефть сотган.