Бугун, 24 сентябрдан Хитойнинг Шанхай шаҳрида пара академик эшкак эшиш бўйича бошланган жаҳон чемпионатида мамлакатимиз шарафини 4 нафар матонатли спортчимиз ҳимоя қилмоқда.

24 та давлатнинг 108 нафар спортчиси иштирокида ўтаётган чемпионатнинг илк кунида ҳамюртларимиз Диёрбек Бойбўлсинов ҳамда Муҳайё Абдусатторова жуфтлиги аралаш жуфтлик дастурида муваффақиятга эришди.  

Ҳамюртларимиз 08:55.41 сонияда марра чизиғини босиб ўтиб, гуруҳ баҳсида 4-ўринни эгаллади ва финал йўлланмасига эга бўлди.

Энди Бойбўлсинов/Абдусатторова жуфтлиги 27 сентябрь куни жаҳон чемпионатининг “Б” гуруҳидаги финал баҳсларида стартга чиқади.

Терма жамоамиз аъзолари Динара Белянина ва Акбарали Абдувалиев эртанги дастурларда ўз омадларини синовдан ўтказади.

Чемпионат 28 сентябрга қадар давом этади.

Шербек Исломов, ЎзА