Иранның қауіпсіздік күштері республика астанасының оңтүстік аудандарындағы тәртіпсіздіктердің басты ұйымдастырушысын ұстады.

Mehr агенттігінің хабарлауынша, ұсталған азаматқа қоғамдық мүлікке орны толмас залал келтірген, оның нысандарын өртеген және адамдарды қоғамдық тәртіпті бұзуға итермелеген деген айыптар тағылып отыр. 

Қазіргі уақытта полицейлер күдіктінің ықтимал сыбайластарын анықтау үшін тергеуді жалғастыруда.

Ирандағы толқулар 16 қыркүйекте 22 жастағы Махса Аминиді жерлеу рәсімінен кейін басталды. Ресми нұсқа бойынша, полиция Аминиді орамал тақпағаны үшін ұстаған. Тергеу кезінде ол жүрек талмасынан қайтыс болды, делінген. Алайда әлеуметтік желілерде Аминиді полицейлер соққыға жыққаны туралы ақпарат тарады. Қазанның 7-сі күні Иранның сот-медициналық сараптама ұйымы қыздың өлімінің себебі туралы ресми мәлімдеме жасап, оның жарақат алмағанын хабарлады.