Иранда Пәкістаннан Иракқа бара жатқан зияратшылар мінген автобус апатқа ұшырады.

Associated Press мәліметінше, қайғылы жағдай салдарынан кем дегенде 35 адам қаза тауып, 23 адам жарақат алған.

Оқиға сәрсенбіге қараған түні Иранның орталық бөлігіндегі Язд провинциясында болған. Алдын-ала дерек бойынша, апатқа автобустың тежегіші істен шығуы және оған жүргізуші назар аудармаған болуы мүмкін екені айтылған хабарламада.

Пәкістандық зияратшылар біздің заманымыздан бұрынғы 680 жылы Карбало шайқасында қаза тапқан имам Хусейн мен оның 72 серігін еске алуға арналған Арбаин рәсіміне қатысу үшін Иракқа бара жатқан еді.