Өзбекстандағы Ислам өркениеті орталығының Әбу Әли ибн Синаның ғылыми мұрасын зерттеу жөніндегі жұмыс тобы Иранға барды.

Ғылыми сапар барысында экспедиция мүшелері Иранның Ұлттық кітапханасы мен мемлекеттік мұрағатында болды, сонымен қатар Экономикалық ынтымақтастық ұйымының Мәдениет институтында өткен «Өзбекстан-Иран» атты 1-ші халықаралық ғылыми-тәжірибелік конференцияға қатысты.

Делегация мүшелері Иран Ұлттық кітапханасында сақталған барлық кітаптар және қолжазбалармен, соның ішінде Ибн Сина, Хорезмий және Тимуридтерге қатысты дереккөздермен танысуға мүмкіндік алды.

«Кездесу соңында ирандық тарап Өзбекстандағы Ислам өркениеті орталығының кітапханасы мен Ибн Сина қоғамдық қоры үшін Иранда сақтаулы тұрған Әбу Әли Ибн Сина туралы 45 томдық кітаптар жинағын және Иракта сақтаулы 20 томдық кітаптарды табыс етті», делінген хабарламада.