Иран Ислам Республикасы Жердің орбитасына жасанды спутниктерді шығару мақсатында «Qased» зымыраны арқылы суборбиталық сынақтарды сәтті өткізді.

– Дүйсенбі күні таңертең Иранның ғарыш өнеркәсібі компаниялары дайындаған «Qased» зымыраны көмегімен суборбиталық сынақтар өткізілді, – делінген Tasnim ақпарат агенттігінің таратқан хабарында.

Мәліметке сәйкес, бұл сынақ нәтижелері елдің жасанды серіктері мен өзге де ғарыш аппараттарын Жер орбитасына шығару тиімділігін арттыруға бағытталған.