Иран министрлігі француз көліктерін елге әкелуге тыйым салды.

Asbe-Bokhar ақпараттық сайтының хабарлауынша, бұл туралы бейсенбі күні Иранның Сауда, өнеркәсіп және кен министрлігінің ресми өкілі Омид Галибаф мәлімдеді. 

Оның айтуынша, министрлік Францияның «соңғы бірнеше жылдағы кәсіби емес әрекетіне» байланысты француз көліктерін әкелуге тыйым салған. Соңғы бірнеше айда француз көліктерін әкелуге бірде-бір лицензия берілген жоқ, деген О.Галибаф.

«Иран оларға [Францияға] Иранның автокөлік өнеркәсібі мен нарығына санкциялық қысым көрсетуіне жол бермейді», - деген ол.