Ислом Каримов номидаги Тошкент давлат техника университетида иқтисод фанлари доктори, профессор М.А.Маҳкамова хотирасига бағишлаб “Иқтисодиёт ва саноатни бошқариш: муаммолар ва ечимлар” мавзусида халқаро илмий-амалий конференция бўлиб ўтди.

Конференция рақамли иқтисодиёт шароитида миллий иқтисодиётнинг турли тармоқларида ва саноат корхоналарида рўй бераётган иқтисодий жараёнлар, замонавий менежмент, корпоратив бошқарув масалалари, миллий иқтисодиёт тармоқлари ва бизнес жараёнлар, шунингдек, иқтисодиётнинг умумий иқтисодий ва ташкилий-техник муаммолари ечимига бағишланди.  

Иқтисодиёт ва саноатни бошқаришнинг ташкилий-иқтисодий масалалари; корпоратив бошқарув: назария, амалиёт ва хорижий тажриба; рақамли иқтисодиётда саноат тузилмаларидаги бизнес жараёнлар; жаҳон иқтисодиётининг глобаллашуви шароитида умумий иқтисодий масалалар юзасидан маърузалар тингланди.    

М.Қосимова,  

ЎзА