“Apple” компанияси энг арзон смартфонлар қаторига кирувчи янги “iPhone 17e” моделини расман намойиш қилди. 4 мартдан бошлаб ушбу қурилма учун буюртма қабул қилинади, очиқ савдо эса 11 мартдан бошланади.

“iPhone 17e” ташқи кўриниши 16e моделига ўхшаш: дизайн ва экран ўлчами деярли ўзгармаган. Компания бу сафар ҳам экран тепасидаги қисмни сақлаб қолди.

Асосий ўзгариш ички имкониятга қаратилган, мустаҳкамлик кучайтирилган, “Ceramic Shield” икки қопламали ҳимоя билан таъминланган. Шунингдек, янги авлод A19 процессори ҳамда “MagSafe” симсиз қувватлаш технологияси қўллаб-қувватланган. Айни жиҳат янги телефонни функционал жиҳатдан қимматроқ “iPhone 17” моделига яқинлаштиради.

Тасвирга олиш тизими ҳам сезиларли даражада яхшиланган: смартфон 48 мегапикселли асосий камера билан жиҳозланган. Ички хотира ҳажми аввалги версияга нисбатан икки баробар, 256 GBгача оширилган.

Нарх масаласига келсак, “iPhone 17e”нинг бошланғич баҳоси 599 доллардан бошланади. Қурилма қора, оқ ва пушти рангларда тақдим этилди.

Ф.Яхшибоева, ЎзА