Ипакчилик ва жун саноатини ривожлантириш қўмитасида ҳиндистонлик тадбиркор Амар Бхайя билан учрашув бўлиб ўтди.

Қўмита раиси И.Ергашев ҳамда  “Ўзбекипаксаноат” уюшмаси раиси О.Жумаев тадбиркор билан Ҳиндистон ипакчилигидаги эркин бозор тамойилларини Ўзбекистонга жорий қилиш истиқболларини муҳокама қилди. Наманган вилоятидаги “Verigrow ipagi” МЧЖ шаклидаги хорижий корхона фаолиятини кенгайтириш масалалари кўриб чиқилди.  

Шунингдек, Хитойнинг Жанубий-Ғарбий университети профессорлари, “Muguan Ltd” ва “Tongxiang Tonghui Seedlings Co., Ltd." тутчилик ва ипак қурти уруғчилиги компаниялари раҳбарларидан иборат делегация билан музокаралар олиб борилди.  

Учрашувда Тошкент шаҳридаги Ипакчилик илмий-тадқиқот институти билан ҳамкорлик ўрнатиш, юртимиз вилоятларининг бирида ипакчилик кластерини ташкил қилиш масалалари муҳокама қилинди.  

Хитой университети ва ушбу Хитой компаниялари ҳамкорлигида Ўзбекистон шароити учун мос, серҳосил тут навлари ва ипак қурти уруғларини яратиш устида ишлашни режалаштирмоқда.  

Гулноза Бобоева, ЎзА