Ионика денгизида ёнғин чиққан Италияга қарашли Euroferry Olympia кемасида камида 11 киши бедарак йўқолган. Ҳукумат уларни ҳозирча кемада тополмаяпти. Қолган йўловчилар ва экипаж аъзолари қутқариб олинган. Жума куни Грециянинг Open телеканали шу ҳақда хабар берди.

Одамлар санаб чиқилгандан кейин кемада 11 киши йўқлиги маълум бўлган. Хабарда келтирилишича, қутқариб олинган йўловчи ва экипаж аъзолари Корфу портига олиб келинмоқда, бу ерда улар синчковлик билан текширилиб, яна қайтадан санаб чиқилади.

Кема капитанидан олинган маълумотга кўра, кема бортида 290 киши бўлган. Уларнинг 239 нафари йўловчи ва 51 нафари экипаж аъзоси экан. Шунингдек, кемага 25 та енгил ва 153 та юк автомобили ортилган айтилмоқда. Қутқарувчилар кемадан 278 киши эвакуация қилинганини маълум қилди. Айни пайтда кема бортида бўлган 11 киши ҳақида ҳеч қандай дарак йўқ. Хабарда ғойиб бўлганлар йўловчилар ёки экипаж аъзолари экани ҳам айтилмаяпти.