“Invest in Tashkent Region” xalqaro forumi viloyatda ishbilarmonlik muhitini yanada yaxshilash, investitsiya jozibadorligini oshirish maqsadida Investitsiyalar va tashqi savdo vazirligi va Toshkent viloyati hokimligi hamkorligida tashkil etildi.

Mazkur forumda 50 dan ortiq davlatdan xorijlik biznes sohasi vakillari, investorlar ishtirok etmoqda.

Ikki kun – 25-26 oktabr kunlari o‘tkazilishi rejalashtirilgan xalqaro forum birinchi kunning ikkinchi yarmidan boshlab o‘z ishini Bo‘stonliq tumanidagi “Layner” va “Tibet” dam olish maskanlarida davom ettiradi.

Forumda Yevropa ittifoqi, OESD (Iqtisodiy hamkorlik va rivojlanish tashkiloti - rivojlangan mamlakatlarning xalqaro iqtisodiy tashkiloti), Osiyo-Tinch okeani, MDH va yaqin sharq investorlari bilan qator shartnomalar imzolanishi kutilmoqda.