Interpol bosh kotibi Yurgen Shtok dunyo bo‘ylab koronavirus vaksinalari yetkazib berilishi jarayonida jinoyat olamida faollik kuzatilishi bo‘yicha fikr bildirdi.

 “Vaksina – 2021 yilning suyuq oltini hisoblanadi. Jinoyatchi guruhlar uning taqsimotiga tayyorgarlik ko‘rishgan, vaksina bilan bog‘lik jinoyatchilik hajmi oshadi.  

Hammasi bu qimmatbaho mahsulotga eng avval ega chiqishga va taqsimotning boshida turishga intiladi. Vaksinalar ro‘yxatga olinmasidanoq jinoyatchi guruhlar qalbaki vaksinalarni tarqatishga tushgandi”, dedi Shtok “Wirtschaftswoche” nashriga bergan intervyusidda.  

Uningcha, koronavirus pandemiyasi, umuman olganda, jinoyatchilarga yangicha imkoniyatlarni bergan va o‘zida “jinoyatchilik pandemiyasini” mujassam qilgan.