Интерпол Боливиянинг собиқ президентини қидирувга берди
Интерпол Боливиянинг собиқ президенти Эво Моралесни қидирувга берди.
Интерпол Боливиянинг собиқ президенти Эво Моралесни қидирувга берди. Бу ҳақда Мексика пойтахтида ўтган матбуот анжумани чоғида Моралеснинг ўзи маълум қилган.
Унинг таъкидлашича, халқаро полиция ташкилоти собиқ президентни содир этмаган жиноятларда алоқадор билиб, яшаётган жойини аниқлашга киришган.
24 ноябрь куни Боливия президенти вазифасини вақтинча бажариб турган Жанин Аньес Моралесни жиноий иш очилишидан ҳимоя қиладиган қонун қабул қилмаслигини маълум қилган эди.
Моралес 10 ноябрь куни мамлакатда узоқ давом этган норозилик намойишларидан кейин Боливияни тарк этиб, Мексикадан бошпана топди. Шу билан бирга, у бўлиб ўтган воқеаларни давлат тўнтариши, деб атаган ҳамда албатта ватанга қайтишини маълум қилган.