Poytaxtimizda oliy ta’lim muassasalari talabalari o‘rtasida o‘tkazilgan “Intellektual olimpiada” musobaqalari yakuniga yetdi.

Oliy ta’lim, fan va innovatsiyalar vazirligi, Yoshlar ishlari agentligi, “Zakovat intellektual klubi” NNT hamda Milliy mass-mediani qo‘llab-quvvatlash va rivojlantirish jamoat fondi hamkorligida tashkil etilgan turnirning umumiy sovrin jamg‘armasi 5 milliard 400 million so‘mni tashkil etdi.  

1-o‘rinni O‘zbekiston Milliy universiteti egalladi va 2 milliard so‘m bilan taqdirlandi. 2-o‘ringa Toshkent davlat tibbiyot universiteti loyiq ko‘rildi va 1,5 milliard so‘m egasi bo‘ldi.

3-o‘rinni Fan va texnologiyalar universiteti egallab, 1 milliard so‘m bilan taqdirlandi.

Shuningdek, “Zakovat” g‘oliblari uchun magistraturaga imtihonsiz qabul hamda oylik stipendiya kabi imkoniyatlar belgilangan.

Gulnoza Boboyeva,

O‘zA