Ish quroling bo‘lsa soz, mashaqqating bo‘lur oz, degan maqol bejiz aytilmagan.

Darhaqiqat, har qanday faoliyat samaradorligi bevosita zarur jihozlarga bog‘liq. Ayniqsa, jamoat xavfsizligiga mas’ul bo‘lgan soha egalariga har qancha qulaylik yaratilsa ham arziydi.

Shu maqsadda “Toshshahartransxizmat” aksiyadorlik jamiyatiga qarashli 2-avtobus saroyida maxsus tadbir tashkil etilib, Transport nazorati inspeksiyasining 14 ta hududiy bo‘lim xodimlariga maxsus jihozlangan avtotransport vositalari kalitlari tantanali tarzda topshirildi.

Ta’kidlash joizki, Transport nazorati inspeksiyasi xodimlari ushbu maxsus avtotransport vositalari yordamida yuk avtomobillarining vazn va hajm parametrlariga rioya etilishi ustidan samarali nazorat olib borish imkoniyatiga ega bo‘lishadi. Bu esa ularning mehnat faoliyatini yanada samarali tashkil etish kafolatini ta’minlaydi.

Sherbek Islomov, O‘zA