Пойтахтимизда Олий таълим, фан ва инновациялар вазирлиги томонидан "InnoWeek.uz – 2023" халқаро инновацион ғоялар ҳафталиги ўтказилмоқда.
Ҳафталик доирасидаги кўргазмаларда маҳаллий, хорижий ташкилот ва корхоналарнинг турли хилдаги ишланма ҳамда инновацион технологиялари намойиш этилмоқда.
– Компаниямиз роботатехника тўпламларини ишлаб чиқаради. Тўпламлар 1-синфдан 11-синфгача мўлжалланган, ҳозирги вақтда уни ўқитиш қўлланмаларини ҳам ўзбек тилига таржима қилганмиз. Вазифамиз устозларни шу йўналишда бепул тайёрлаб, сертификат бериш. Ҳозирда Фарғона вилояти туманларидаги 19 та Баркамол авлод бўлимлари компаниянинг тўпламларини сотиб олган ва устозларни ўқитишни бошлаганмиз, – дейди Фарғона вилояти Ёшлар инновация марказидан келган, “РEД” компаниясининг Ўзбекистондаги расмий вакили Фурқат Усмонов. – Маълумот ўрнида айтишим мумкин, айни пайтда Россия, Беларусь, Қозоғистон, Қирғизистон, Арманистон, Озарбайжон ҳам мана шу тўпламлардан фойдаланилмоқда.
– Ўзбекистон халқаро ислом академияси қошида Имом Мотуридий халқаро илмий-тадқиқот маркази бўлиб, кўргазмада марказ томонидан таржима қилинган ва ташкил қилинган адабиётлар билан иштирок этмоқдамиз. Булар араб ва бошқа хорижий тилдаги илк босма ва тош босма асарлардан тўғридан-тўғри таржима қилинган, – дейди Ўзбекистон халқаро ислом академияси илмий ходими Беҳзод Ибрагимов. – Масалан, Қуръони Карим шарҳлари, Бурҳониддин Марғинонийнинг “Ҳидоя” асари ва бошқа алломаларнинг ҳаёти ва ижоди билан боғлиқ қўлёзмалардан таржима қилинган ва тадқиқ этилган асарларни жамлаб, намойиш этяпмиз.
"InnoWeek.uz – 2023" халқаро инновацион ғоялар ҳафталиги билан боғлиқ лавҳаларни қуйида кўришингиз мумкин.
<iframe width="640" height="360" src="https://www.youtube.com/embed/mKK2ztllBgY" title="“InnoWeek.uz – 2023": инновацион технологиялар ва ишланмаларни намойиш этаётган ҳафталик" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>Абдулазиз РУСТАМОВ,
ЎзА