Tadbirda Davlat soliq qo‘mitasi raisining birinchi o‘rinbosari M.Mirzaev va qo‘mita mutaxassislari ishtirokchilarga yangi tahrirdagi Soliq kodeksiga kiritilayotgan o‘zgartishlar to‘g‘risida ma’lumot berdi.

Bank-moliya akademiyasi professor-o‘qituvchilari yangi tahrirdagi Soliq kodeksi bo‘yicha o‘zlarini qiziqtirgan masalalar bo‘yicha fikr almashdi. Jumladan, soliq qonunchiligi barqarorligini ta’minlash dolzarbligi, tizimdagi hozirgi tartiblar tadbirkorlik sub’ektlarining uzoq muddatli biznes rejalari tuzishda qiyinchiliklarga duch kelishiga sabab bo‘layotgani, yashirin iqtisodiyotni kamaytirish mexanizmini kuchaytirish lozimligi qayd etildi.

Tadbirda Innovatsion rivojlanish vazirligi tomonidan soliq qonunchiligiga soliq krediti amaliyotini joriy etish bo‘yicha bir nechta takliflar ishlab chiqilganini qayd etildi. Jumladan, soliq to‘lovlarini keyinchalik bo‘lib-bo‘lib foizi bilan qaytarish orqali uni kamaytirishni nazarda tutuvchi “investitsiyaviy soliq kreditlari” institutini joriy etish taklif qilindi. Bu tadbirkorlik sub’ektlarining ixtiyorida bo‘sh pul mablag‘lari qolishiga va soliq islohotlari sharoitida ishbilarmonlik va tadbirkorlikni rivojlanishiga xizmat qilishi ta’kidlandi.