Abu Rayhon Beruniy nomidagi Urganch davlat universitetida “Markaziy Osiyoda ingliz tilini o‘rganishni rivojlantirish” loyihasi doirasida “AELLCA” dasturiga asosan “Inklyuziv ta’lim targ‘ibotchilari — ingliz tilini o‘qitishda inklyuzivlikni ta’minlashga qaratilgan modul yaratish” mavzusiga bag‘ishlangan uch kunlik seminar-treninglar tashkil etildi.

Treninglar davomida zamonaviy inklyuziv ta’lim konsepsiyalari, ELT (English Language Teaching) uchun inklyuziv modul mazmunini yaratish bo‘yicha amaliy ko‘nikmalar berildi va xalqaro tajribalar bilan o‘rtoqlashildi.

[gallery-27395]

Seminarlar xalqaro trenerlar tomonidan olib borilmoqda.

—Mashg‘ulot davomida modul mazmuni va baholash mezonlari qayta ko‘rib chiqilmoqda, – deydi Buyuk britaniyalik professor Franz Hoyeritzauyer Josef. – Shuningdek, barqaror ta’sir (samara) rejasini ishlab chiqish,  mahalliy, milliy va xalqaro ta’limning ustuvor yo‘nalishlari  uyg‘unligi, dizayn tafakkurining ta’limdagi samaradorligi baholanmoqda

Mazkur seminar professor-o‘qituvchilarning kasbiy salohiyatini oshirish, ta’limda teng imkoniyatlarni ta’minlash va xalqaro ilg‘or tajribalarni amaliyotga joriy etishda muhim ahamiyat kasb etadi.

Seminar yakunida  faol ishtirok etgan barcha professor-o‘qituvchilarga sertifikatlar topshirildi.

Ahmadjon Shokirov,

Behzod Saidov(surat),

O‘zA muxbirlari