Ingushetiya va Checheniston oʻrtasida maʼmuriy chegara oʻrnatildi
“Vesti.ru”ning maʼlum qilishicha, Checheniston va Ingushetiya rahbarlari ikki respublikaning maʼmuriy chegaralari boʻyicha kelishuv imzolagan.
“Vesti.ru”ning maʼlum qilishicha, Checheniston va Ingushetiya rahbarlari ikki respublikaning maʼmuriy chegaralari boʻyicha kelishuv imzolagan. Hujjatga koʻra, Chechenistonning Nedterechniy va Ingushetiyaning Malgobek tumanlaridagi aholi istiqomat qilmaydigan hududlar teng almashinuvi oʻtkazilgan.
Xabardagi iqtibosda hujjat imzolash marosimida Ingushetiya rahbari Yunusbek Yevkurov ayni lahzalalar ikki respublika uchun ham tarixiy on ekanini aytib oʻtgan.
Yunusbek Yevkurovning soʻzlariga koʻra, maʼmuriy chegara borasidagi kelishuvga ikki respublikaning aholi punktlari kirmagan. Balki, hududlarning togʻ-oʻrmon qismlari aniqlashtirib olingan. Ingushetiya va Checheniston oʻrtasida nazorat nuqtalari oʻrnatilmaydi.