Ўзбекистон Республикаси Миллий гвардияси Маънавият ва маърифат марказида Миллий гвардия ҳудудий бошқармалари, Қўриқлаш бош бошқармаси, ҳарбий қисм ва таълим муассасалари жамоалари ўртасида “Янги Ўзбекистон ёшлари, бирлашайлик” шиори остида инглиз тили викторинасининг республика босқичи бўлиб ўтди.

Мазкур викторинада Миллий гвардия Бухоро, Фарғона, Навоий, Хоразм вилояти бўйича бошқармалари, Қўриқлаш бош бошқармаси, Жамоат хавфсизлиги университети ҳарбий хизматчиларидан ташкил топган жамоалар билан бир қаторда тизимдаги “Темурбеклар мактаби” ва Ҳарбий мусиқа академик лицейларининг ёш, иқтидорли ўқувчиларидан ташкил топган жамоалар 3 та шарт асосида беллашдилар.  

Жамоа аъзоларининг билим ва кўникмалари ҳакамлар ҳайъати томонидан адолатли баҳолаб борилди.  

“Таништирув”, “Савол-жавоб”, “Сардорлар беллашуви” шартларида ҳар бир жамоа креатив ёндашган ҳолда видеороликлардан фойдаланиб, Ўзбекистон тарихи, Конституция саводхонлиги ва миллий маданиятимиз ҳамда Жадидчилик ва унинг асосчилари ҳақида инглиз тилида оғзаки гапириб берди.  

Якуний натижаларга кўра, "Темурбеклар мактаби" ҳарбий-академик лицейининг “Young Temurids” жамоаси учинчи, Ҳарбий мусиқа академик лицейининг ёш ва иқтидорли ўқувчиларидан ташкил топган “Perfect generation” жамоаси иккинчи ўринни эгаллади.  

Жамоат хавфсизлиги университетининг “The Invincibles” жамоаси мусобақа ғолиби бўлди.  

Мусобақа ғолибларига кубок ва совринлар топширилди.   

<iframe width="640" height="480" src="https://www.youtube.com/embed/STyKddmigqw?si=85ueUJI2NrW--J--" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Раҳмонова,
ЎзА