Bugun dunyoda muammo keltirgan Koronavirus COVID-19 kasalligining yurtimizda tarqalishini oldini olish borasida hukumat tomonidan samarali choralar koʻrilmoqda va ulardan biri infraqizil tibbiyot termometrlaridan foydalanish boʻlib, bu birinchi chora koʻrish omili hisoblanadi.

Inson tanasidagi haroratni tezkor tekshirish infraqizil tibbiyot termometri orqali amalga oshiriladi. Bu termometr qisqa vaqt davomida bir nechta insonlarni ketma-ketlikda tana haroratini oʻlchash mumkin. Maʼlumki, mazkur tibbiyot termometrlari toʻgʻri ishlayotganiga ishonch hosil qilish uchun ularni metrologik tekshiruvdan oʻtkazilib turiladi. Bu tekshiruv esa oʻz navbatida, maxsus namunaviy oʻlchash vositalari yordamida laboratoriyada malakali mutaxassislar tomonidan amalga oshiriladi.

Oʻzbekiston milliy metrologiya instituti tomonidan aholining sogʻlom turmush tarzini rivojlantirish va ijtimoiy qoʻllab-quvvatlash maqsadida infraqizil tibbiyot termometrlari tekshiruvini ayni paytda bepul amalga oshirilishini eʼlon qiladi. Buning uchun Oʻzbekiston milliy metrologiya institutiga murojaat qilishingiz kifoya...