Индонезияның Суматра аралында болған су тасқыны мен көшкін салдарынан қаза тапқандар саны 914 адамға жетті.

Antara News басылымының хабарлауынша, табиғи апат салдарынан көз жұмғандардың 359-ы Ачех провинциясынан, 329-ы Солтүстік Суматрадан және 226-сы Батыс Суматрадан болған. 

Қазіргі уақытта іздестіру-құтқару жұмыстары жалғасып жатыр.

Хабарда айтылуынша, ел аумағында муссон жаңбырлары мен тропиктік циклондар туғызған табиғи апаттар миллиондаған халыққа елеулі зиян келтіріп отыр.

Индонезия үкіметі зардап шеккен аймақтарда төтенше жағдай жариялап, азық-түлік пен дәрі-дәрмек жеткізу үшін тікұшақтар мен ұшақтарды пайдалану қамтылған кең көлемді гуманитарлық көмек операциясын бастады.

Алдын ала есеп бойынша, су тасқындарынан 3 миллионнан астам адам зардап шеккен.