“Arab News” nashrining yozishicha, kecha Indoneziyadagi dengizda yo‘lovchi paromi yonib ketgan va natijada uch kishi halok bo‘lgan. Mamlakat favqulodda xizmat xodimlari 560 dan ortiq odam qutqarilganini ma’lum qildi.

Manado harbiy-dengiz bazasi admirali Frenki Sihombingning so‘zlariga ko‘ra, “KM Barcelona 5” yakshanba kuni tushda Talaud orollari tumanidagi Melonguane portidan Shimoliy Sulavesi provinsiyasi markazi Manado shahriga ketayotganda yonib ketgan.

– Qutqaruv operatsiyasiga qirg‘oq qo‘riqlash kemalari va bir nechta puflama qayiqlar jalb qilingan, - dedi Sihombing.

Ekipaj a’zolari ko‘plab odamlarni dengizdan olib chiqib, ularni yaqin atrofdagi orollarga olib ketishdi, shuningdek, mahalliy baliqchilar ham omon qolganlarni qutqarishda ko‘maklashgan.

M.Pirmatova, O‘zA