Indoneziyada prezidentlik saylovi bo‘yicha ovozlarni sanab chiqish yakunlandi. Natijaga ko‘ra, mudofaa vaziri Prabovo Subianto yangi davlat rahbari etib tan olindi.

“Trend” xabar berishicha, Subianto 58,6 foiz ovoz to‘plagan. Bu ko‘rsatkich nomzodning birinchi bosqichdayoq g‘alaba qozonishi uchun yetarli bo‘ldi.

Umumiy saylov 14-fevral kuni bo‘lib o‘tgan. Ovozlarni sanash va natijani e’lon qilish uchun 35 kun ketdi.

Mamlakat konstitutsiyasida davlat rahbari besh yilga saylanishi belgilab qo‘yilgan. Prezidentlik ikki muddat bilan cheklangan.