Индонезияда президентлик сайлови бўйича овозларни санаб чиқиш якунланди. Натижага кўра, мудофаа вазири Прабово Субианто янги давлат раҳбари этиб тан олинди.

“Тренд” хабар беришича, Субианто 58,6 фоиз овоз тўплаган. Бу кўрсаткич номзоднинг биринчи босқичдаёқ ғалаба қозониши учун етарли бўлди.

Умумий сайлов 14 февраль куни бўлиб ўтган. Овозларни санаш ва натижани эълон қилиш учун 35 кун кетди.

Мамлакат конституциясида давлат раҳбари беш йилга сайланиши белгилаб қўйилган. Президентлик икки муддат билан чекланган.