Индонезияда вулқон кули уч километр баланликка отилди
Индонезияда энг фаол ҳисобланган Ява оролидаги Мерапи вулқони ўтган жума куни кескин фаоллашган. У
Индонезияда энг фаол ҳисобланган Ява оролидаги Мерапи вулқони ўтган жума куни кескин фаоллашган. Унинг оғзидан отилган кул 3 километргача баландликка етган, деб маълум қилади “ANTARA” ахборот агентлиги вулқоншунослик ва геологик хавфни пасайтириш маркази маълумотига таяниб.
Кул отилиши эрталаб соат 9 да бошланган ва 103 сония давом этган. Мутахассисларнинг таъкидлашича, вулқон охирга марта 3 апрелда отилган эди. Вулқоншунослар Мерапининг хавфлилик даражасини иккинчи босқичда сақламоқда. Бу, ҳозирча тоққа чиқиш мумкин эмас, деганидир. Бундан ташқари, одамларга вулқон оғзига (кратер) айланасига 3 километр яқин келмасликни маслаҳат берилмоқда.
Мерапи ҳар 7 йилда кескин фаоллашадиган ҳаракатдаги вулқон ҳисобланади. Унда бир йилда икки марта кичик фаоллик ҳам кузатилади.