Индонезия расмийлари хабар беришича, Жанубий Сулавеси музофотида назоратдан йўқолган балиқчилик фаолиятини назорат қилувчи самолёт қолдиқлари тоғли ҳудуддан топилган. Учоқдаги 10 кишидан бири ҳалок бўлгани маълум, қолган 9 нафари ҳақида ҳозирча маълумот йўқ.

Ҳалокатга учраган ATR 42-500 русумли самолёт “Indonesia Air Transport” (IAT) авиакомпаниясига тегишли бўлиб, Йогякарта шаҳридан Макассар томон парвоз қилаётган эди. Саҳнида 7 нафар экипаж аъзоси ва 3 нафар вазирлик ходими бўлган самолёт билан шанба куни 13:30 атрофида алоқа узилган.

Миллий транспорт хавфсизлиги қўмитаси (KNKT) ҳодиса қасддан содир этилгани фактини инкор этган. Фожиа сабаби ўрганилмоқда.

IAT компанияси айрим техник носозликлар мавжуд бўлса-да, самолёт парвозга яроқли эканини таъкидлаган. Минтақавий даражада фойдаланилган ATR 42-500 одатда 42-50 йўловчини ташиш имконига эга эди.

Индонезияда ATR-42 самолёти иштирокида содир бўлган бундан аввалги авиация ҳодисаси 2015 йил Папуа ҳудудида кузатилган ва ўшанда 54 киши ҳаётдан кўз юмган эди.

<iframe width="650" height="420" src="https://www.youtube.com/embed/V7wgGRfNDvQ" title="Indoneziyada baliqchilik nazorati samolyoti halokatga uchradi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ф.Яхшибоева, ЎзА