“Sinxua” xabar berishicha, Indoneziya Janubiy Sulavesidagi yangi Makassar portini qurish uchun 5,4 trillion rupiy – taxminan 345 million dollar sarmoya kiritdi. Shu tariqa mamlakatning Jakartadagi Tanjungdan keyingi ikkinchi yirik porti bunyod etildi.

Prezident Joko Vidodo ochilish marosimida “Indoneziya sharqida joylashgan ushbu yirik port ichki logistika xarajatini kamaytirishiga umid qilamiz”, dedi.

takchi o‘z so‘zida milliy va xalqaro miqyosdagi keskin raqobat sharoitida samaradorlik muhimligini ham ta’kidladi.

Port, zavod va sanoat zonalari o‘rtasida integratsiya yo‘qligi sababli Indoneziyada logistika xarajati 10 yil oldin 24 foiz edi. Davlat rahbari aytishicha, hozir bu ko‘rsatkich 14 foizga tushgan bo‘lsa-da, ahvolni yaxshilash uchun hali ko‘p ish qilinishi kerak.

Makassar portining chuqurligi 16 metr, sig‘imi 2,5 million TEU (yuk tashuvchi transport vositalari sig‘imi uchun an’anaviy o‘lchov birligi) bo‘lib, konteyner tashuvchi yirik kemalarni joylashtirish imkonini beradi.