Индонезия өзінің алғашқы ғарыш айлағын салу үшін «Роскосмос» пен ынтымақтастық орнатқанын мәлімдеді.

Елдің Ұлттық зерттеу және инновациялар агенттігі (BRIN) мәліметі бойынша, ғарыш айлағы Папуа провинциясындағы Биак аралында салынбақ. Себебі ол логистикалық талаптарға сәйкес келеді. Сонымен қатар ғарыш айлағы оны пайдалану үшін төлем жасай алатын кез келген адамға қолжетімді болады.

Жобаға төрт тарап қатысады: BRIN, «Роскосмос», индонезиялық PT URPI компаниясы және ресейлік «Главкосмос» ұйымы.