Indoneziya Bali orolida bo‘lib o‘tadigan G20 sammitida RF Prezidenti Vladimir Putin bilan AQSH Prezidenti Jo Bayden xohish bildirsa, ularning uchrashuvini tashkillashtirishga tayyor, dedi Indoneziyaning Rossiyadagi elchisi Xose Tavares RIA Novostiga.

"Marhamat, buning uchun barcha imkoniyat bor", – dedi elchi RIA Novosti muxbirining mazkur masala bo‘yicha berilgan savolga javob berar ekan. 
 
Avvalroq RF Prezidenti yordamchisi Yuriy Ushakov G20 sammitida Rossiyaning ishtiroki bo‘yicha qaror bevosita safar oldidan qabul qilinadi, deb bayonot bergan edi.