Имконияти чекланган болалар учун махсус лойиҳа устида ишлаётган хореограф.

Ўзбекистон Давлат хореография академияси ўқитувчиси Шаҳзода Худойназарова имконияти чекланган болаларни жамиятдаги фаоллигини оширишга қаратилган илмий иш олиб бораяпти. Энг қизиғи бу йўналишда олдин ҳеч ким шуғулланмаган. 

Суҳбат жараёнида Шаҳзода Худойназарова илмий иш қилишга туртки бўлган нарсалар ҳақида гапирди. Унинг айтишига қараганда имконияти чекланган болаларнинг фаоллигини ошириш учун хореографиянинг роли катта эканлигини англашда бир воқеа сабаб бўлган. Дастлаб Шаҳзода Худойназарова имконияти чекланган болалар билан ишлаб кўрган бўлсада, лекин нима учун улар билан шуғулланувчи махсус лойиҳа ёки тўгараклар йўқлигига эътибор беради ва кейинчалик шундай лойиҳани амалга ошириш режаси туғилади. 

<iframe width="650" height="420" src="https://www.youtube.com/embed/yrzASAlBTr8" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Ушбу лойиҳани амалга ошириш жараёнида тадқиқотлар олиб боради ва имконияти чекланган болалар мактабларида бунга катта эҳтиёж борлигига ишонч ҳосил қилади. Шаҳзода Худойназарованинг бу ғоясини кўпчилик қўллаб-қувватлайди. Ўзининг устозлари билан маслаҳатлашганда ҳам улар бу лойиҳани амалга ошириш кераклиги таъкидлайдилар. Бу эса унга янада куч-қувват бағишлайди. 

Ўзбекистон Республикаси Инновацион ривожланиш вазирлиги Шаҳзода Худойназарованинг “Хореография санъати орқали имконияти чекланган болаларнинг жамиятдаги фаоллигини оширишга қаратилган мултимедиа маҳсулотини яратиш” лойиҳаси учун грант ажратди.