Малайзияда қиличбозликнинг рапира йўналиши бўйича ёшлар ўртасидаги Осиё чемпионатида Ўзбекистон, Малайзия, Қатар, Сингапур, Филиппин, Макао, Қозоғистон, Таиланд, Ҳонг Конг ва бошқа мамлакатлардан келган 40 нафардан ортиқ спортчилар иштирок этди.

Қувонарлиси, Ўзбекистон терма жамоаси аъзоси Ильёс Молина бронза медалини қўлга киритди. Қиличбозимиз мусобақа давомида Мануэл Маркус Антонио (Филиппин), Чеонг Чонг Киo (Макао) ва Тимофей Семёновни мағлубиятга учратди.

Мазкур йўналишдаги олтин ва кумуш медаллар Ҳонг Конг терма жамоаси аъзолари Хо Шинг Хим Харрис ва Лам Хо Лонгга насиб этди.  

Шунингдек, терма жамоамизниг яна бир аъзоси Улуғбек Усманов 11-ўринни эгаллади.

Жавоҳир Тошхўжаев, ЎзА