Илон Маск “Tesla”нинг акциялари ҳисобидан глобал очарчиликка барҳам беришга ўз ҳиссасини қўшмоқчи
Тадбиркор Илон Маск “Tesla”нинг бутун акцияларини сотиб, маблағни очарчиликка қарши курашга йўналтириши мумкин бўлган шартни айтди.
“Tesla” ва “SpaceX” асосчиси Twitter орқали фикр билдирди.
Twitter фойдаланувчиларидан бирининг ёзишича, Халқаро озиқ-овқат дастури раҳбари Дэвид Бисли дунёнинг бадавлат одамларини очарчиликка қарши курашга маблағ ажратишга чақириб, олти миллиард доллар пул бўлса – муаммога барҳам берилишини айтган.
“Агар дастур олти миллиард билан очарчиликка чек қўйишни исботласа, ҳозироқ “Tesla”нинг барча акциясини сотиб шу ишга йўналтираман”, деб ёзади Илон Маск.