Tesla асосчиси Илон Маск компаниянинг 7,9 миллионта акциясини 6,88 миллиард долларга сотди, дейилади АҚШнинг қимматбаҳо қоғозлар бўйича комиссияси (SEC) тарқатган маълумотда.

Мазкур ҳужжатга кўра, сотув жума куни, Tesla акциялари қиймати  6,6 фоизга тушиб кетганда ҳамда душанба куни  2,4 фоиз кўтарилганда амалга оширилган.
Бундан аввал ҳам Маск  Twitter ижтимоий тармоғини сотиб олиш бўйича шартнома имзолагандан кейин Tesla акцияларини  4 миллиард долларга сотган эди.

Апрель ойида  Маск Twitter учун 44 миллиард доллар таклиф қилди. Кейинроқ Маск Twitterга ижтимоий тармоқни сотиб олмоқчи эмаслигини маълум қилди.

Июль охирида Twitter ижтимоий тармоқ акционерлари 13 сентябрда бўлиб ўтадиган навбатдан ташқари йиғилишида тармоқни апрелдаги келишувга биноан сотиш масаласида овоз бериш бўлиб ўтиши ҳақида эълон қилди.

Американинг Tesla Motors компаниясига 2003 йилда асос солинган эди. Мазкур компания электромобиллар яратиш ва технологиялар ишлаб чиқиш билан шуғулланади. Компания электромобиллардан ташқари, ўзининг технологияси бўйича батареялар ва электродвигателлар ишлаб чиқаради ва бошқа автогигантларга, жумладан, Toyota ва Daimler компанияларига сотади.