26 январь куни Ўзбекистон Республикаси Фанлар академияси Ботаника институти директори Даврон Деҳқонов Исроилнинг Ўзбекистондаги Фавқулодда ва мухтор элчиси Зехавит Бен Хилел билан ўзаро мулоқот ўтказди.

Учрашувда томонлар ўсимликлар биохилма-хиллигини сақлаш, унда замонавий суғориш технологияларини қўллаш ҳамда Ботаника институти ва Иерусалим Ботаника боғлари ўртасида илм-фан соҳасида илмий-амалий ҳамкорликни кенгайтириш масалалари бўйича фикр алмашди.

Томонлар уруғ алмашиш ва уларни етиштириш, Тошкент Ботаника боғида Исроил давлати флораси бурчагини ташкил этиш, ўзаро халқаро илмий лойиҳаларни амалга ошириш, биохилма-хилликни сақлаш борасида ўзаро тажриба алмашиш йўналишларини ўз ичига олган англашув меморандумини имзолашга келишиб олинди.

                                                                                                  ЎзА