Олий таълим ўқитувчилари малакаси оширилмоқда

Мамлакатимиз миллий таълим тизимидаги ислоҳотларни қўллаб-қувватлаш мақсадида 2024-2025 йилларда бўлажак инглиз тили ўқитувчиларининг таълим дастурларига кўниктириш ва узлуксиз касбий ривожланиш (УКР) тамойилини амалиётга жорий қилишга қаратилган лойиҳа амалга ошириб келинмоқда. Мазкур ташаббус Британия Кенгаши, Олий таълим, фан ва инновациялар ҳамда Мактабгача ва мактаб таълими вазирлиги, Ўзбекистон давлат жаҳон тиллари ва Тошкент давлат педагогика университетлари ҳамкорлигида илгари сурилган.

Буюк Британия ва Ўзбекистон мутахассислари иштирокида ўтказилаётган тренингдан кўзланган асосий мақсад ўқитувчининг педагогика билим юртидан мактабгача бўлган фаолияти давомидаги узлуксиз касбий ривожланиши, жараёнга кўникиш, мослашиш амалиётига оид тушунчаларни янада чуқур англашига кўмаклашишдан иборат. Шунингдек, тингловчилар рефлекция амалиёти материалларини ўзлаштиради, муайян вазифаларни ўрганиб, ўз фаоиятига мослаштирадилар.

<iframe width="560" height="315" src="https://www.youtube.com/embed/gyM0WCZy-ro?si=QneSb541QScQAHHb" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Нишонбой Абдувоитов (видео),

ЎзА