Илк ғолиблар маълум
Тошкент вилоятида велоспорт бўйича ўтказилаётган Ўзбекистон чемпионатининг 23 ёшгача бўлганлар ўртасидаги яккалик пойгаларида илк ғолиблар аниқланди.
Шоссе йўналиши яккалик пойгасида Дмитрий Бочаров, Бегзод Рахимбоев ва Санжарбек Эргашев шоҳсупага кўтарилди. Аёллар ўртасида Янина Кускова, Маргарита Мисюрина ва Шаҳноза Абдуллаева ғолиб ва совриндорлар қаторидан жой олди.
Шунингдек, ўз ёш тоифаларида Богдан Забелинский олтин, Алимардон Жамолиддинов кумуш, Фаррух Бобошеров бронза медалига сазовор бўлди. Қизлар баҳсида Асал Ризаева, Виктория Ползунова ҳамда Самира Исмаилова маррага биринчилар қаторида етиб келди.
Жавоҳир Тошхўжаев, ЎзА мухбири